فى البيت كل واحد ماسك موبايل او تاب طول الوقت ، وانعدم الحوار الأسرى، مافيش أى نقاش لأى مشكلة داخل البيت أو خارجه.
مع إن الكلام هو الصفة التى تميز الانسان عن الحيوان، والحوار احتياج إنسانى وحده بيشعرنا بدفء الحياة....استنوا .. لازم نقف مع نفسنا شوية، لازم نعرف إن الحوار هو أهم ما فى الحياة لنا ولأولادنا، لازم نتعلم ونعلم ولادنا لغة الحوار ومهارة الاستماع، انت بتربى رجل المستقبل، يعنى الزوج والأب والأخ، يعنى الموظف والقائد، يعنى جيل ومجتمع كامل، الحوار هو الهيديله الجرأة عشان يعبر عن مشاعره، لغة الحوار هتعلمه يسمع صح ويتقبل الرأى الآخر، هتعلمه يفصل بين الشخص وموضوع النقاش، عادى يختلف مع شخص بس برضه يفضل يتعامل معاه، يسمع صح بعنى يفهم الطرف الآخر ويسمع ما وراء الكلام، نغمة الصوت تعبيرات الوش يفهم مشاعره ويحترمها.
فى رأيى ده أكتر حاجة محتاجينها دلوقتى... نتكلم.. نعبر عن مشاعرنا... نتقبل آراء الأخرين... نحترم مشاعرهم.
ليست هناك تعليقات:
إرسال تعليق